شمارەی کوشیاگەیل کەرت غەزە بەرزەوبوی ئەرا 11 هەزار و 180 قوربانی
2023-11-13T14:27:11+00:00
شەفەق نیوز/ نوسیینگه‌ی راگەیانن حكومه‌ت له كه‌رت غه‌ززه لەبارەی دویا ئامار قوربانیەیل جەنگەگە بڵاوکرد و راگەیان " شمارەی کوشیاگەیل بەرزەو بویە ئەرا ١١ هه‌زار و ١٨٠ كه‌س".
وەپای ئامارەگە، " لەوەر پەلامارەیل ئیسرائیل وەبان كه‌رت غه‌ززه، شمارەی کوشیاگەیل ئەرا ١١ هه‌زار و ١٨٠ كه‌س بەرزەوبویە كه چوار هه‌زار و ٦٠٩ كه‌سیان مناڵن، هەمیش سێ هه‌زار و ١٠٠ كه‌سیان ژنن، شمارەی زەخمدارەیلیش رەسیە ئەرا ٢٨ هه‌زار و ٢٠٠ كه‌س.
دیاریکرد، " سێ هەزار و 250 راپۆرت بی سەروشوین بوین وەپیان رەسیە کە هەزار و 700 راپۆرتیان لەبان مناڵە".
