شماره‌يگ مه‌ردم له سويد له‌ئاكام ته‌قه زه‌خمدار بوين
2017-10-13T08:50:00+00:00
شه‌فه‌ق نيوز/ وه‌لاى كه‌مه‌و نزيكه‌ى هه‌فت كه‌س زه‌خمدار بوينه له‌ئاكام ته‌قه‌كردن فريه‌يگ له شار ترليبورغ له باشوور سويد.
فريدريك برات قسه‌كه‌ر وه‌ناو پۆليس شاره‌گه وت: ئاگادارى وه‌رگرتيم له‌لايه‌ن چه‌ن كه‌سيگه‌و ك ده‌نگ ته‌قه ژنه‌فياگه له ناوڕاس ترليبورغ، وه‌لێ هه‌ناى ك ره‌سيمنه شوونه‌گه چه‌ومان كه‌فت شماره‌يگ مه‌ردم زه‌خمدار بوينه له بازاڕيگ له‌ناو شاره‌گه.
جى باسه، تائيسه‌يش نه‌زانرياگه كى ئه‌و ته‌قه‌يله كردگه له‌و شاره ك ئه‌كه‌فێده پاين خوارگ باشوور سويد له نزيك شار مالمۆ سێيه‌مين گه‌وراترين شاره‌يل وڵاته‌گه.
