گشت باڵە چەکدارەیل سوریا کەفنە ژیر چەتر وەزارەت وەرگری

شەفەق نیوز/ سەرکردەیل باڵە سەربازییەیل سوریا، ئمڕوو سێشەممە، وەگەرد ئەحمەد شەرع سەرکردەی ئیدارەی نوو سوریا رێککەفتن لەبان پویچەڵکردن گشت باڵە چەکدارەیل، و تا بچنە ژیر چەتر وەزارەت وەرگری.

ئەوەیش دویای گردەوبوین گشت لایەنەیل هات، وەگورەی راگەیانن ئیدارەی ئۆپراسیۆنەیل سەربازی سوریا. 

هەمیش لەناو گردەوبوینەگە رێککەفتن لەبان وەیەککردن باڵەیل لەژیر ئیدارەی ئۆپراسیۆنەیل سەربازی، و جڵەوکردن ئاسایش لە ناوچەگە، و دەسکردن وە کیشانن چەک قورس، وەگەرد ئامادەکردن شوینەیلیگ ئەرا وەرگردن چەک رژیم وەرین.

 ا