کەشتییگ بازرگانی کەفێدە وەر سێ مووشەک وەرانوەر کەناراوەیل حودەیدە لە یەمەن
![کەشتییگ بازرگانی کەفێدە وەر سێ مووشەک وەرانوەر کەناراوەیل حودەیدە لە یەمەن](https://media.shafaq.com/media/arcella/1724250479982.jpg)
شەفەق نیوز/ ئمڕوو چوارشەممە، وەگورەی ڕاپۆرت دەزگای ئاسایش دەریایی بەریتانیا 3 موشەک لە کەشتییگ بازرگانی دریا، لە دویری 77 میل دەریایی وەرانوەر شار حودەیدەی یەمەن کە لەژیر کۆنترۆڵ حووسییەیلە.
ئاژانسەگە لە زوان کاپتن کەشتییەگە وت: "کەشتییەگە کەفتە وەر دوو مووشەک دیارینوکریاگ وەرجەیەگ مووشەک سێیەم بەێد لەلی"، وتیش کۆنترۆڵ کەشتییەگە لەدەسداگە لە وەختیگ هویچ خەوەریگ لە هویچ زیانیگ گیانی نەڕەسیە.
وتیش: کاپتنەگە وەرجەوە ڕاپۆرت داگە کە "دوو بەلەم بویچگ لە کەشتییەگە نزیکەو بوینە." بەلەم یەکەم 3 تا 5 کەس لەناوی بویە، دویەمیش نزیکەی 10 کەس لەناوی بویە”.
وتیش: "ئەو دوو بەلەمە ئاگاداری کەشتییە بازرگانییەگەو کردنە، ئەوەیش بویەسە مدوو تەقەکردن کوڵیگ وە چەک سووک وەرانەوەری یەکتری".
تا ئیسە هویچ لایەنیگ وەرپرسیارێتی خەی لەو پەلامارە هەڵنەگردیە، کە هاووەختە وەگەرد هەڵمەتیگ کە حووسییەیل سەر وە ئیران لە دژ ئەو کەشتیەیلە کە ئویشن پەیوەندی وە ئیسرائیل و بەریتانیا و ئەمریکا دیرن.