سێیەم پەلامار مووشەکی لە یەمەنەو ناوڕاس ئیسرائیل کەێدە ئامانج
شەفەق نيوز/ سوپای ئیسرائیل، ئمڕوو جمعە، نواگیریکردن مووشەکیگ راگەیان کە حووسیەیل لە یەمەنەو کلی کردنە، لە وەختیگ فیکەی هوشداری لە تەل ئەبیب و چەن ناوچەیگ ترەک ناوڕاس وڵاتەگە و کونلراو خوەرئاوایی کوتا.
وەگورەی رووژنامەوانی لە کەناڵ 12ی عیبری ئەلموگ بوکیر؛ یە سێیەم مووشەکە کە لە ماوەی 24 ساعەت گوزەشتە نواگیری کریەێد.
سەرچەوەیل عیبری وتن؛ فیکەی هوشداری لە زیاتر لە 120 شوین لەناوڕاس ئیسرائیل کوتا، لە ئەنجام وەشیان مووشەک لە یەمەنەو.
سوپای ئیسرائیل وەگەرد ئاشکراکردن مووشەکەگە کەفتە ئامادەباشی، و فەرمان دا وە ئامادەیی وەرگرییەیل ئاسمانی ئەرا نواگیریکردن ئەو مووشەکە کە لە یەمەنەو هاتیە.
چالاکوانەیل فەلەستینی لە شار خەلیلەو لە کناراو خوەرئاوایی، وە پارچە ڤیدیۆ نواگیریکردن مووشەکەگە توومار کردن و بڵاوی کردن.
ئەفیخای ئەدرعی قسەکەر سوپای ئیسرائیل لە بەیاننامەی کوڵیگ وت: مووشەکیگ لە یەمەنەو وەشیاس نواگیری کریا، کە بویە مدوو وەکارخستن هوشداری لە چەن ناوچەیگ.
دویەکە پەنجشەممە، حووسیەیل راگەیانن کە فرۆکەخانەی بن گوریۆن وە مووشەکیگ بالیستی کردنە ئامانج، دویای چەن ساعەتیگ لە مووشەکیگ ترە کە وەرەو ئیسرائیل وەشانن.
