سەرچەوەیل پزیشکی: شمارەی قوربانیەیل کەرت غەزە بەرزەوبوی ئەرا 10022 کەس
2023-11-06T14:25:22+00:00
شەفەق نیوز/سەرچەوەیل پزیشکی کەرت غەززە، ئمڕوو دووشەممە، خەوەردان لە بەرزەوبوین شمارەی کوشیاگەیل کەرت غەزە لەماوەی 31 رووژ گوزەشتە ئەرا زیاتر لە 10 هەزار کوشیای.
قسەکەر وەزارەت تەندروسی فەڵەستین لە غەزە ئەشرەف قودرەت لە کۆنگرەیگ رووژنامەوانی راگەیان، شمارەی قوربانیەیل کەرت غەزە لەسەرەتای پەلامارەیل تا ئیسە رەسیەس ئەرا 10022 کەس، لە ناوەین ئەو دەیان هەزار کوشیاگە 4104 لەلیان مناڵن.
وتیش؛ لەماوەی ساعەتەیل گوزەشتە 19 کۆمەڵکوشی ئەنجام دریاس 292 فەلەستینی بوینەسە قوربانی.
