سەرۆک كۆمپانیای فایزه‌ر: دڵنیایمن لە کاریگەر بۊین حه‌ب چاره‌کردن كۆرۆنا ئەرا ئاڵشبۊی ئۆمیكرۆن
شەفەق نیوز/ ئه‌لبێرت بۆرلا، سه‌رۆک جیوەجیکار كۆمپانیای دروسكردن ده‌رمان له ئه‌مه‌ریكا راگه‌یان، دڵنیایمن حه‌ب چاره‌سه‌ی ڤایرۆس "پاكسلۆڤید"، كه وه‌لایه‌ن كۆمپانیاگەمان ئەرا تووشبوویەیل كۆرۆنا درووسكریایە، ئەرا تووشبوویەیل كۆرۆنا له جۊر ئۆمیكرۆن-یش سوودبه‌خشه.
بۆرلا باسكرد، چاره‌سه‌ر "Paxlovid"، تایبه‌تمه‌نی ئەرا ریگریكردن له دۊجارە درووسكردن ئه‌نزیم، لەمەوقەی ڤایرۆسه‌گه پێویست وەپی کەێد، هه‌واڵه خوەشەگە ئه‌وه‌س، ئه‌و چاره‌سه‌ره وه جۊریگ درووسكریایه، ك رۊیوەرۊی فرەیگ ئه‌و گۆریایەیل كۆرۆنا بوود، پرۆتینه ده‌ره‌كیەگانیان جۊر بزمارن، ئه‌و توانایه نەێرن به‌رگه‌ی ئه‌و چاره‌سه‌ره بگرن.
بۆرلا ئەرا تووڕ "سی ئێن بی سی" ئه‌مه‌ریك وت: كۆمپانیای فایزه‌ر پیشبینی کەێد 80 ملیۆن پارچه حه‌ب پاكسلۆڤید زیاتر وه‌رهه‌م بارێد، ک ورجە ئیسە بڕیار بۊی ته‌نیا 50 ملیۆن پارچه حه‌ب وه‌رهه‌م بارن، وەگەرد ئه‌وه‌ش ئیداره‌ی ئه‌مه‌ریكا 10 ملیۆن پارچه حه‌ب پاكسلۆڤید- به 5 ملیار دۆلار سەندیە.
كۆمپانیای فایزه‌ر لەێ مانگ گوزەشتە وه ئیداره‌ی خوەراک و ده‌رمانی ئه‌مه‌ریكای راگەیان، ك رێ بده‌ن ده‌رمانه‌گەیان له كات پێویست و ئەرا فریاگوزاری وەکاریبارن.
ئاشكەرایش كرد، ده‌رمانه‌گه ئەرا كه‌سەیل ته‌مه‌ن 18 ساڵ ئەوبان تاقیكریایە، دەرچگە، پسای خەسخانە چگن و مردن وه رێژه‌ی 89% كه‌مەوبۊیە، ك دۊیای 3 رووژ له دەرچگن نیشانه‌یل كۆرۆنا ده‌رمانه‌گه وەکارهاتییە.
رێكخریاگ ته‌ندروسی جەهان هووشداری دەێد، ک دەرکەفتن ئۆمیكرۆن ڤایرۆس كۆرۆنا بۊیە جی رخ فرەیگ لەبان ئاست جەهان، باوجی هیمان له ئاست مه‌ترسیەیل دڵنیا نیمن.
لەوەر بڵاوبۊین و گەشەکردن جۊر نوو ڤایرۆس كۆرۆنا "ئۆمیكرۆن"، له باشوور ئه‌فریقیا، شمارەیگ وڵات گه‌شته‌یل ئاسمانیەگانی ئەرا ئه‌و وڵاته وسانن، جۊر قه‌ته‌ر، ئه‌مه‌ریكا، به‌ریتانیا، سعوودیه، كوه‌یت و هۆڵه‌ندا.
