سەرۆک ئیران سەردان نیویۆرک کەێد و چەوی نیەکەفێدە بایدن
![سەرۆک ئیران سەردان نیویۆرک کەێد و چەوی نیەکەفێدە بایدن](https://media.shafaq.com/media/arcella/1663487994841.jpeg)
2022-09-18T08:00:56+00:00
شەفەق نیوز/ سوو دووشەممە، ئیبراهیم رەئیسی سەرۆک ئیران، روی وەرەو شار نیویۆرک ئەمریکا کەێد، وەگەرد قسەی کەناڵ عالەم ئیرانی.
کەناڵەگە وت: سەردانەگەی رەئیسی ئەرا بەشداریکردن لە گردەوبوین کۆمەڵگەی گشتی نەتەوە یەکگرتگەیل تیەێد.
لە وتارەیلیگ وەرجە رویکردن وەرەو نیویۆرک، سەرۆک ئیرانی ئەرا تووڕ سی بی ئێس وت: ئیدارەی ئەمریکا ئویشێد گوایە جیاوازە لە ئیدارەی تڕەمپ، باوجی ئیمە هویچ ئاڵشتییگ نەیمنە.
وتیش: بڕوا نەیرم لە گردەوبوینەگە قسەکردن وەرد بایدن بوود وئەوەیش سوودیگ نەیرێد.