سەرۆکایەتی رووحی دورزیەیل داوای دابینکردن پەیوەندییەیل و ئینتەرنێت کەێد
شەفەق نيوز- دیمەشق
سەرۆکایەتی رووحی دورزیەیل لە سوریا، ئمڕوو یەکشەممە، داوای وسانن پەلامارەیل سەربازی و دابینکردن خزمەتگوزاریەیل ئینتەرنێت و پەیوەندییەیل وەشیوەی زویوەزوی وە ئامادەکردن ئەرا مەرەقەزکردن بەندیکریاگەیل.
حیکمەت هیجری سەرۆک ڕووحی تایفەگە لە بەیاننامەیگ رەسیە ئاژانس شەفەق نیوز وت: لەسای رویداوەیلیگ وەسەر خەڵک تایفەی مەعرووفیە هات، و دویای ئەو کوشتارەیلە کە وەبان مەدنیە بیگوماهەیل جیوەجی کریان، دووارە و داوای وسیان کوتوپڕ گشت پەلامارەیل سەربازی و کیشانن گشت هیزەیل حکومەت دیمەشق کەیمن، هەرلە سوپا و دەزگا ئەمنیەیل و میلیشیایل، لە دەورگرد کویە و گشت ناوچە و ئاوایەیلی.
وتیش: هەمیش داوای دابینکردن خزمەتگوزاریەیل ئینتەرنێت و پەیوەندییەیل وەشیوەی زویوەزوی کەیمن، ئەرا مسۆگەرکردن پەیوەندیکردن خەڵکەگە وە ئامادەکردن ئەرا ئاڵشتکردن و مەرەقەزکردن کوتوپڕ ئەرا بەندیکریاگەیل و مسۆگەرکردن پرسەگە وە گەرەنتی دەوڵەتەیل چەودیاریکەر رێککەفتن.
وتیش: داوا لە کوڕەیلمان وە درویژایی سوەیدا کەیمن هاوکاری بکەن و بوونە خاوەن ئەوپەڕی وەرپرسایەتی ئەرا سەرکەفتن ئی کارە، وەمەرجیگ ئمڕوو تا ساعەت 6:00 ئیوارە تەواو بوود، لە مەیدان ئاوای ئوم زەیتوون.
