سوپای ئەمریکا لێکۆڵینەوە وەرد ژەنیڕاڵیگ کەێد سووکایەتی وە ژن سەرۆک کردیە
شەفەق نیوز/ سوپای ئەمریکا، وسانن گریەبەسی ژەنیڕاڵیگ راوێژکار راگەیان، لەوەر کۆمێنتیگ لەبان پۆستیگ جیل بایدن ژن جۆ بایدن سەرۆک ئەمریکا بڵاوی کردیە.
ئەو کۆمێنت ژەنیڕاڵە وە سووکایەتی وە یەکەم خانم لە باوەتیگ کۆمەڵایەتی لەلای سوپا دریا قەڵەم. ژەنیڕاڵ خانەنشین گاری فۆلسکی، قسەکەر وەرین وەناو سوپا، وخاوەن هەسارەی نوقرەی پاڵەوانی لە عراق، ئەوسا "مامووستای یەکەم" بوی راوێژکاری دیادە گەورەی ئەفسەرەیل سەربازی و فەرمانبەرەیل وخوەنەوارەیل لە ڕاهێنان جەنگی وچالاکیەیل سەربازی.
سینسیا سمیت خانمە قسەکەر سوپا ئەرا رووژنامەی "یو ئەس تودەی" ئەمریکی وت: ژەنیڕاڵ سیودۆر مارتن فەرماندەی ناوەند چەک هاوبەش، ئەرک لیفتنانت ژەنیڕاڵ خانەنشین گاری فۆلسکی وسان، وچەوەڕی ئەنجام لێکۆڵینەوە کریەێد.
لە ٢٤ حوزەیران، جیل بایدن پۆستیگ نویسان لەناوی رەخنە لە بڕیار دادگای باڵا کرد وە پویچەڵکردن ماف لەباربردن مناڵ، ک نویسان" یە نزیکەی ٥٠ ساڵە، ژن خاوەن مافە لە بڕیاری لەلەش خوەمان، ئمڕوو، ئی مافە دزیا.
فۆلسکی لە کۆمێنتەگەی نویسایە: "خوەشهاڵم ک ئیسە زانێد ژن چەس" وئەرا زانیاری دویای ئەوە کۆمێنتتەگەی سڕیاوە.
رووژنامە ئەمریکیەگە وت: ئی کۆمێنتە وە پێشێلکردن ریسگایل کار ئەرا ئەفسەریگ خانەنشین، یا فەرمانبەریگ لەبان خشتەی مووچەی بینتاگۆن دریەێدە قەڵەم.
