سوپای ئەمریکا: کارەساتیگ ژینگەیی وەسەر دەریای سوور هات دویای پەلامار حووسییەیل
کۆمپانیای سێنتکۆم لە بەیاننامەیگ کە لە وەخت دیریگ دویەشەو بڵاو کرد کە پەلاماریگ کە لەلایەن حوسییەیل یەمەن وەبان کەشتی بارهەڵگر ڕوبیمار، لە 18ی شوبات جیوەجی کربا، زیان فرەیگ وە کەشتییەگە رەسانیە و دزەکردن نەفت کە درویژییەگەی 18 میل (نزیکەی 29 کم) بویە.
کۆمپانیای سێنتکۆم دیاری کرد کە کەشتییە بارهەڵگرەگە کە خاوەندارێتی بەریتانیایە و پەرچەم بیلیز هابانی "لەنگەر گردیە بەڵام کەمکەم ئاو ئەرا ناوی نزە کەێد".
وتیش: کەشتییەگە زیاتر لە ٤١ هەزار تەن پەیین هەڵگردوێد هەتای پەلاماری دریا "کە هاتێ بوودە مدوو دزەکردن وەرەو ناو دەریای سوور، کە هاتێ ئی کارەساتە ژینگەییە خراوتر بکەێد".
سێنتکۆم "پشتگووشخستن" حوسییەیل لە کاریگەرییەیل هەرێمی پەلامارە هەڕەمەکیەیلیان لەبان ماسیگردن و کۆمەڵگە کەنارییەیل و هاوردەکردن و دابینکردن خوەراکی ئیدانە کرد.
قسەکەر حوسییەیل، یەحیا سەریع، رووژیگ دویای پەلامارەگە لە بەیاننامەیگ راگەیان کە حوسییەیل کەشتییگ لە کەنداو عەدەن کردنە ئامانج، وتیش: کە رخ نوقمبوینی هەس.
