سوپای لوبنان لە باشوور چەم لیتانی بڵاوەو بوود دویای کیشانەوەی ئیسرائیل

شەفەق نیوز/ سوپای لوبنان، ئمڕوو یەکشەممە، تەواوکردن بڵاوبوینی لە ناوچەی باشوور لیتانی راگەیان، و یەکەیلی بڵاوبوینیان لە کەرت خوەرهەڵات تەواو کەید، وەتایبەت لە ناوچەیل رەب سەلاسین و بەنی حەیان و تلوسە - مەرجعيون، ئەوەیش دویای کیشانەوەی سوپای ئیسرائیل لە ناوچەگە.

ئی بڵاوبوینە وە هەماهەنگی وەرد دەسەی پەنجی ئەرا سەرپەرشتاری لەبان رێککەفتن ئاگربەسی هات.

وەگورەی بەیاننامەی سوپا، یەکەیل سەربازی ئیرنگە کارەیل وەشکین ئەندازیاری و وازکردن ریوبانەیل ناو ئی ناوچەیلە جیوەجی کەێد، و  سەرکردایەتی سوپا داوا لە هاوڵاتیەیل کرد پابەند بوون وە رینمایەیل ئەو یەکەیلە ئەرا بیوەیی خوەیان.

هەمیش سوپا وەردەوامە وە هەماهەنگی قایمیگ وەرۆ هیز نەتەوە یەکگرتگەیل وەختانە لە لوبنان - یونیفێل، لەباوەت رەوشەیل لە ناوچەیل سنووری، ئەوەیش لە چوارچیوەی بڕیار 1701.