سوپای سودان 71 مناڵ لە چنگ پاڵپشتیکردن زویوەزوی رزگار کەێد
شەفەق نيوز/ سوپای سودان، توەنست 71 مناڵ لە چنگ هیزەیل پاڵپشتیکردن زویوەزوی رزگار بکەێد، دویای ئەوە کە خریانە ناو ئەو جەنگە کە لە وڵاتەگە رویدەێد.
وەگورەی سەرچەوەیل سەربازی، هەواڵگری فیرقەی سێیەم پیادە لە شاری شندی، ئۆپراسیۆنیگ جیوەجی کرد رەسیە ئەنجام رزگارکردن ئەو مناڵەیلە، کە تەمەنیان جویراجویرە، و دویاس هەماهەنگی وەرد لایەنەیل پەیوەندیدار، ئەرا خیزانەیل خوەیان گلەو دریان.
وتنیش: 66 مناڵ ئەرا کەسوکارەیلیان گلەو دریان، وە هاوکاری وەرد ئەنجومەن نەتەوەیی ئەرا چەودیاریکردن مناڵی، لە وەختیگ چەم تووپخانە 5 مناڵە ترەک ئەرا باوەش باوانیان کلوو دا، دویای دەرکردیان لە ناوچەیل جەنگ.
ئی گامە لە وەختیگ شەرمەزارکردن ناوخوەیی و ناودەوڵەتی وە رەفتارەیل وەسەربازکردن ئەو مناڵەیلە تیەێد کە بوختیان کریەێدە مل پاڵپشتیکردن زویوەزوی، لەناو داواکارییەیل فرەیگ وە دادگاکاری ئەوانەگ لەبان ئی کارە وەرپرسن.
