سوپای ئیسرائیل راگەینێد کە حەیفا کەفتە وەر پەلامار مووشەکی گەورە

شەفەق نیوز/ سوپای ئیسرائیل، ئمڕوو یەکشەممە، راگەیان لە پەلاماریگ مووشەکی زیان فرەیگ رەسیەسە کەنیسەیگ، کە وە باسی وەسفی کرد، لەلایەن حزبوڵای لوبنانی وەبان شار حەیفا، دوو کەس زەخمدار بوین، بەڵام حزبەگە راگەیان کە پەنج سەربازگە کردیەسە ئامانج.

 سوپای ئیسرائیل لە بەیاننامەیگ وت: “نموونەی ترەک ڕوون و ئاشکرا کە حزبوڵڵا چوین  هاووڵاتیەیل مەدەنی ئیسرائیل کەێدە ئامانج”. 

 لە بەیاننامەیگ جیا دیاری کرد کە "نزیکەی دە موشەک" وەرەو کەنداو حەیفا وەشیا ریگری لە بەشیگیان کریا.

 قسەکەر خزمەتگوزاری فریاکەفتن ئیسرائیلی ماگن دەیڤید ئادۆم لە بەیاننامەیگ راگەیان کە تیمەیلیان لە حەیفا "هیچ زیانسگ گیانی" توومار نەکردنە لە ئەنجام پەراشەی مووشەکەیل، بەڵام پەنج کەس تویش زەخمداری "سووک" هاتن مەوقەیگ زویوەزوی وەرەو پەناگە چگن.

 حزبولڵای لوبنان وە ئامانجگردن بنکە سەربازییەیل ناو شار حەیفا و دەورگردی لە باکوور ئیسرائیل ڕاگەیان.

 وتیش ئی شوینەیلە کریانە ئامانج:

 بنکەی تەکنیکی حەیفا (سەر وە هیز ئاسمانی ئیسرائیل کە کۆلێژ مەشق و ڕاهێنان هاناوی ئەرا ئامادەکردن تەکنیکارەیل هیزی ئاسمانی)، ٣٥ کم لە سنوور لوبنان و فەلەستینەو دویرە، لە خوەرهەڵات شار حەیفای داکیرکریاگ.

 بنکەی دەریایی حەیفا (سەر وە هیز دەریایی سوپای ئیسرائیلە، و بەلەمیگ مووشەکی و ژیردەریایی) ٣٥ کم لە سنوور لوبنان و فەلەستینەو دویرە، لە باکوور شار حەیفای داکیرکریاگ.

 بنکەی ستێلا ماریس (بنکەیگ ستراتیژی ئەرا چەودیاریکردن و کۆنترۆڵکردن دەریایی لە کەنارەیل باکوور) ٣٥ کم لە سنوور لوبنان و فەلەستینەو دویرە، لە باکوور خوەرئاوای ئاوای شار حەیفای داکیرکریاگ.

 بنکەی تیرات ئەلکەرمێل (کە فەوجیگ و کەتیبەیگ گواستنەوەی ناوچەی باکوور هاناوی، بیجگە لە بنکەیگ لۆجستیکی دەریایی) 40 کم لە سنوور لوبنان و فەلەستینەو دویرە، لە باشوور شاری حەیفای داکیرکریاگ.

 ئەڕا یەکەمجار بنکەی نەشر (بەنزینخانەیگ سەر وە سوپای ئیسرائیلی دوژمن)، 40 کم لە سنوور لوبنان و فەلەستینەو دویرە، لە باشوور خوەرهەڵات شاری حەیفای داکیرکریاگ.

 بیجگە لەوەیش سوپای ئیسرائیل رووژ شەممە کوشیان یەکیگ لە سەربازەیلی لە باشوور لوبنان ڕاگەیان، وەیەوە شمارەی ئەو سەربازەیلو لە جەنگ وەرد  حزبولڵا  لە سەرەتای پەلامار هشکایی لەو ناوچە لە ٣٠ ئەیلولەو تا ئیسە رەسیە ٤٨ سەرباز.