سوپای ئیسرائیل دوو ئەفسەر دەرکەێد رازی وە جەنگ لە غەززە نەوینە
شەفەق نیوز/ دەسەڵاتەیل ئیسرائیلی، دوو ئەفسەر یەدەکی لە سوپا دەرکردن، دویای نارەزاییان لە دووارکردن جەنگ لە غەززە.
رووژنامەی (تایمز ئۆف ئیسرائیل) وت: ئەفسەریگ ئمڕوو، لە سوپا دەرکریا، دویای ئەوەگ لەبان سۆشیال میدیا بەیاننامەیگ بڵاو کرد لەناو ناڕەزایی لە چگن ئەرا سەربازی ئاشکرا کرد لەوەر دووارەکردن جەنگ لە غەززە.
ئەو ئەفسەرە لە هەواڵگری سەربازی وەناو مایکڵ ماجر لەبان پلاتفۆرم ئێکس نویسان: فرەترین چشت کە ئیرنگە دەسمیەتییم دەێد ئەرا مقیەتیکردن گەل خوەم، خوەی ناڕەزاییە لە بەشداریکردن لە جەنگ ئەرا خیانەتکارە پیسەیل، و ئەوەیە کە وەتەواوی وەگەرد بەرژەوەنیەیل گەل ئیسرائیل نەپووڕیاس.
لە پۆستیگ ترەک، ماجر وت لە سەربازی دەرکریا.
دویەکە سێشەممە، ئەفسەریگ ترەک لە چەک ئاسمانی ئیسرائیل لەبان پۆستیگ هاوشیوە لەبان سۆشیال میدیا دەرکریا.
دویای بڕیار دووارەکردن جەنگ، نارەزایی جەماوەری لە ئیسرائیل زیایەو بوی، لەناو رخەیل لەبان چارەنویس دەیان بارمتە لە کەرت غەززە، و پەڵپگردن لەبان تەقەلایلیگ حکومەت ئەرا لاوردن سەرۆک ئاسایش گشتی (چالاک) و بانگەشەکار گشتی.
