سوپای ئیرانی: جەنگەگە کۆتایی وەپینەهاتییە و ئامادەیمن ئەرا گورز وەشانن فرە وەهێز

شەفەق نیوز- تەهران

سوپای ئیرانی، ئمڕوو یەکشەممە، دووپاتکرد  جەنگ وەگەرد وڵاتەیل یەکگرتگ ئەمریکا هێمانگ کۆتایی وەپینەهاتییە، و هێزەیل ئامادەن ئەرا گورز  وەشانن  فرە وەهێز.

فەرماندەی سوپا، لیوا ئەمیر حاتەمی، لە بەیاننامەیگ وت: "ئەگەر بڕیار بوود ناپایەداری و نائەمنی لە ناوچەگە باڵ بکیشێد، ئاوە ئی بارودۆخە گشت کەسیگ گرێدەو".

حاتەمی وتیش؛  بیجگە لەوەگ گشت وڵاتەیل هاوسا و ناوچەگە بایەد لەو باوڕە بون کە "دەسمیەتی وەگەرد ئەمریکا ئەمنیەت نیەتیەرێد"، دیاریکرد، "ئەمنیەت لە ناوچەگە وەدەس نایەد تەنیا وە دەرکردن ئەمریکا و ئیسرائیل لەلی نەود، و ئی کارەیش فرە دویر نییە".