سوپای پاسدران ئیران خوەی کەێدە خاوەن پەلامارەیل هەولێر و سلێمانی

شەفەق نیوز/ سوپای پاسدران ئیران، ئمڕوو دووشەممە، خوەی وخاوەن ئەو گورزەیلە کرد ک ناوچەی کۆیە لە باکوور هەولێر و قەزای عەربەت لە پارێزگای سلێمانی لە هەرێم کوردستان کردنە ئامانج.

میدیایل راگەیانن ئیرانی، کەناڵ عالەم و ئاژانس تەسنیم سەروە سوپای پاسدران لەناویان، وتن: ئی پەلامارەیلە وە فرۆکەیل بێفڕۆکەوان و مووشەک جیوەجی کریان، ک بارەگایل حزبەیلیگ لە هەرێم کوردستان کردنە ئامانج وە "تیرۆریست" ناویان هاورد.

میدیایل راگەیانن ئیرانی هەمیش پارچە ڤیدیۆیلیگ بڵاو کردن، نشان جیوەجیکردن ئەو گورزەیلە دەن.