سوپای پاسداران وەخوارخستن فڕۆکەیگ بیفڕۆکەوان ئەمریکی نوو لە ئاسمان هورمز راگەینێد
شەفەق نیوز- تاران
سوپای پاسداران ئیرانی خەوەر دا کە سیستەمەیل وەرگری ئاسمانی ئیرانی فڕۆکەیگ بیفڕۆکەوان ئەمریکی لە جۊر MQ-1 لە ئاسمان گەروو هورمز خستنەسە خوار.
لە بەیاننامەیگ ئەرا سوپای پاسداران لە ئیران هات: "وەرجە چەن ساتیگ، سیستەم وەرگری ئاسمانی ئیرانی ریگری لە فڕۆکەیگ بیفڕۆکەوان ترەک لە جۊر MQ-1 سەر وە سوپای ئەمریکی کرد و لە ئاسمان گەروو هورمز شکانەی".
هەمیش سوپای ئیرانی لە لای خوەیەو خەوەر دا کە وەرگرییە ئاسمانییەیلی ئیوارەی دۊکە یەکشەممە، فڕۆکەیگ بیفڕۆکەوان پیشکەفتگ لە جۊر "ئۆربیتەر" تەرخانکریاگ ئەرا هەواڵگری لە ئاسمان گەروو هورمز خستیەسە خوار.
سوپای پاسداران ئیرانی رووژ پەنجشەممەی گوزەشتە خەوەر داۊد لە ریگریکردن و ویرانکردن فڕۆکەی بیفڕۆکەوان "ئێم کیو -9" شمارە 53 [شمارەی ئەو فڕۆکەیلە کە ئیران خستیەسەیانە خوار]، کە سەر وە سوپای ئەمریکییە لە ئاسمان دورگەی قشم.
