سوپای پاسداران شکیان نەفتهەڵگریگ گەپ وە مینیگ دەریایی لە هورمز راگەینێد

شەفەق نیوز - تەهران

میدیایەیل راگەیانن ئیرانی، رووژ شەممە خەوەر دان، کە نەفتهەڵگریگ تویش رویداویگ هاتگە دۊای ئەوەگ داگەسە مینیگ دەریایی لە وەخت رەدبۊنی لە تەنگەی هورمز.

 راپۆرتەیلیگ لە سوپای پاسداران ئیرانی نیشان دان، کە نەفتهەڵگرەگە فرەتر لە دوو ملیۆن بەرمیل نەفت خاو هەڵگردۊد، و تەقەلا دا رەد بوود لە رێڕەو ئاوی ستراتیژییەگە وە شیوەیگ نایاسایی وە رییگ بی مووڵەت لەلایەن ئیرانەو.

 ئاژانس "تەسنیم" وگلا زوان لە سوپای پاسداران باس لەوە کرد کە تەقینەوەیگ روی داگە لە نەفتهەڵگریگ گەپ کە بۊەسە مدوو هیزگردن ئاگریگ، دۊای ئەوەگ داگەسە مینیگ دەریایی لە تەنگەی هورمز.

 هیز دەریایی سوپای پاسداران لە بەیاننامەگەی دووپات کرد، کە "تەنگەی هورمز بەسیاگە و چارەنویس ئەو کەشتییەیلە کە سەرپێچی لە یاسایەیل ئیرانی کەن سزیانە"، وەپەی قسەی خوەی.