سوپای پاسداران ئیران هەڕەشەی ئیسرائیل دەێد

شەفەق نیوز/ ژەنیڕاڵ حسێن سەلامی فەرماندەی سوپای پاسداران ئیران، ئمڕوو شەممە، هەڕەشەی ئیسرائیل دا ک ئەوەسا باج گرانیگ دەێد لەبان پەلامارەیل دویایینی لەبان فلەستینیەیل لە غەزە. 

تەلەڤزیۆن ئیران لە زوان فەرماندەگە وت: ئەوەسا جاریگتر ئیسرائیلیەیل باج گرانیگ لەبان تاوانەیل دویاییان دەن، لە دەسنیشانکردن ئەو گورزەیل ئاسمانییە لەلایەن ئیسرائیل لەبان غەزە، مەوقەی گردەوبوین زیاد نەخالە سکرتێر گشتی بزوتنەوەی جیهاد ئیسلامی ک ئیسە ها ئیران.  

فڕۆکەیل ئیسرائیل، ئمڕوو شەممە، بمباران کردن و فەلەستینیەیل مووشەک ئەرا ئیسرائیل وەشاننز دویای ئەوە ک ئۆپراسیۆن ئیسرائیل دژوە بزووتنەوەی جیهاد ئیسلامی سەختە کریا، سویای زیاتە لە ساڵیگ لە ئارامی لەبان سنوورەگە.