سوپای پاسداران جیوەجیکردن شەپوول نوویگ پەلامارەیل وەبان ئیسرائیل و بنکەیل ئەمریکی راگەیان
شەفەق نیوز ـ تەهران
سوپای پاسداران ئیران، ئمڕوو یەکشەممە، راگەیان دەسکردنە وە پەلاماردانەیل خەسیگ وە مووشەک و درۆن وەپی زەوی ئیسرائیل و بنکەیل سەربازی ئەمریکا لە ناوچەگە کردنەسە ئامانج.
سوپای پاسداران ئمڕوو لە بەیاننامەیگ راگەیان، 27 بنکەی ئەمریکی لە ناوچەگە وەرد بنکەی تل نوف، و بنکەی فەرماندەیی گشتی سوپای ئیسرائیل لە هکاریا، و کۆمەڵگەی پیشەسازی وەرگیری لە تل ئەبیب، لەناوین ئامانجەیل وە ئامانجگیریاگ بوینە.
وتیش " هێزە چەکدارەیل کۆمار ئیسلامی ئیران ریگە نیەدەن دەنگی زەنگ ئاگادارکردن (ئینزار) لە ناوچە داگیرکریاگەیل و بنکە سەربازییەیل ئەمریکا بوسێد، و گامیگ تۆڵەسەنین جیاواز و تون بوود لەری گورزەیل یەک لەدویای یەک.
سوپای پاسداران ئیران، لە وەخت گوزەشتەی ئمڕوو پەیمان تۆلەسەنینیگ دا ئەرا "تاوانیگ تیرۆرستی" كە ناویبرد کە ئەمریکا و ئیسرائیل ئەنجامیدان لەری تیرۆرکردن خامنەئی.
تەلەفزیۆن فەرمیەیل ئیران، شەوەکی ئمڕوو یەکشەممە، خەوەردان لە کوشیان رێبەر باڵا عەلی خامەنئی، لەری گورزەیل فراوانیگ کە رووژ شەممە تەهرانی پایتەخە گردە ئامانج.
هەمیش 40 رووژ پرسە راگەیان وەگەرد پەکخسن فەرمی 7 رووژ فەرمانگەیل فەرمی.
