سوپاى توركى قه‌يه‌غه‌ى هاتوچوو له ده‌يان ئاوايى له‌ناو هه‌رێم كوردستان كرد
شه‌فه‌ق نيوز/ ده‌سڵاته‌يل سه‌ربازێ توركى قه‌يه‌غه‌ى هاتوچوو كرد له 79 ئاوايى له ناوچه‌ى برادۆست سه‌ر وه پاريزگاى هه‌ولێر پايته‌خت هه‌رێم كوردستان، بيجگه چه‌وديرى هه‌ميشه‌ى ته‌ياره‌يل توركى له ئاسمان ناوچه‌گه.
له‌و باوه‌ته‌و، ئاژانس "روژنيوز" له هه‌واڵێگى وت: سوپاى توركى له ناوچه‌ى برادۆست له مه‌رز هه‌ولێر چه‌وديرى 79 ئاوايى ئه‌كا له سه‌عات 10ى ئيواره تا سه‌عات شه‌ش شه‌وه‌كى و قه‌يه‌غه‌ى هامشوو له هاووڵاتيه‌يل ئه‌كا وه دريژايى سه‌عاته‌يل چه‌وديرى له‌و ئاوايه‌يله.
ئاژانسه‌گه هه‌ميش وت: ئه‌و قه‌يه‌غه‌ى هامشوو و چه‌وديريه له‌و ئاوايه‌يله له‌يوا كردگه مه‌ردم نه‌تويه‌نن سه‌ردان نه‌خوه‌شخانه‌يل بكه‌ن له وه‌خته‌يل گونجياێ و باس له‌وه‌يش كرد هه‌ر كه‌سيگ وه سه‌ياره له وه‌خته‌يل قه‌يه‌غه هامشوو بكا خوه‌ى تويش مه‌ترسى ته‌قه‌ى راسه‌وخۆ سوپاى توركى ئه‌كا.
