سورێژە لە ئەمریکا وەردەوامە لە بڵاوبوین و لە 700 بیمار رەد کەێد
شەفەق نیوز/ تا رووژ هەینی، شمارەی تویشهاتن وە سورێژە لە ئەمریکا 700 کەس رەد کرد، لە کۆتایی هەفتەیگ کە لەناوی ئیندیانا پەیوەندی وە پەنج ویلایەت ترەک کرد کە تویش بڵاوبوین گورجیگ بوین. بیمارەیل لە ویلایەت تەکساس ٦٠ کەس زیای کردگە و سێیەم مردنیش کە پەیوەندی وەو بیماریە دیرێد ئاشکرا کریا.
ڕۆبەرت کێنێدی وەزیر تەندروسی لە دیداریگ تەلەفزیۆنی ئەنجومەن وەزیرەیل ڕاگەیان کە تویشهاتنەیل سورێژە لە گشت وڵات وەرەو بەرزەوبوین چوود، بەڵام هیمان ڤایرۆسەگە زیاتر لەناو ئەو کەسەیلە بڵاو بوود کە کوتان واکسین ئەرایان نەکریاس.
ویلایەتە یەکگرتگەیل ئەمریکا ئیسە زیاتر لە دوو ئەوەنەی شمارەی تویشبویەیل سورێژە لەی ساڵە توومار کردگە وەچەو ساڵ ٢٠٢٤، فرەی بیماریەیل لە ویلایەت تەکساس توومار کریانە، ک ٥٤١ بیمار توومارکردگە.
تویشبویەیل ویلایەت تەکساس دوو مناڵ تەمەن خوەنەواری سەرەتایی کە کوتان واکسین نەکردنە و لەوێ بیماری پەیوەندیدارەیلی سورێژە لە نزیک ناوەند بڵاوبوین ڤایرۆسەگە لە خوەرئاوای ویلایەتەگە گیانیان لەدەسدانە، کە هیشت کەنێدی رووژ یەکشەممە یەکشەممە سەردان ناوچەگە بکەێد.
سێیەم کەس کە مردگە، کەسیگ گەورە بویە لە مەکسیکۆ کە هەمیش واکسین نەکوتاس.
ئەو ویلایەتەیل ترەک کە تویش بڵاوبوین ڤایرۆسەگە هاتن؛ وەشیوەی بوین: کە ٣ بیمار یا زیاتر دیرن، لە نیو مەکسیکۆ، ئیندیانا، کانزاس، ئۆهایۆ و ئۆکلاهۆما.
سورێژە لەوەر ڤایرۆسیگ فرە درمییگ دروس بوود کە لە ری وا رەسێد، و وە ئاسان بڵاو بوود هەناێ کەسیگ بیمار هەناسە دەێد، یا وەگەرد پژمین، یان قوتە.
سورێژە لە ری واکسین ریگری لەلی کریەێد، و مەزەنە کریا کە لە ساڵ ٢٠٠٠ەو لە ئەمریکا بیماریەگە لەناوچگە.
