سوريا.. فرۆکەخانەی سەعلە لە پارێزگای سوەیدا بوودە مەیدان جەنگ
شەفەق نيوز- سوەیدا
سەرچەوەیلیگ سوری، ئمڕوو سێشەممە، خەوەردان لە جەنگ و تەقەکردن سەختیگ لە ساعەتەیل شەو، لە فڕوکەخانەی سەربازی "سەعلە" لە پارێزگای سوەیدا، باشوور سوریا، وەگەرد پەلامارەیل ریخریاگ داعش وەرجە چەن رووژیگ لەبان ئەو شارە کە فرەی دورزیە.
سەرچەوەیل وتن: فڕوکەخانەگە بویە مەیدان جەنگ وازیگ، و رممەی تەقیان و تەقەی گولە لە گشت شوینەیل شارەگەو تیەێد، کە زیڕە و نیەگرانی خستەیەسە ناو مەردم شارەگە.
وتنیش: تەقەکردن کەفتە ناوەین چەکدارەیلیگ نەناسیای لەناو فڕوکەخانەگە، و مەزەنە کریەێد جەنگیگ سەخت ترەک لە ناوچەی "ولغا" کریەێد.
سەرچەوەیلیگ لە واشینتۆن وتن: کاروانەیل سەربازی گەورەیگ لە فیرقەی 25 وە فەرماندەیی محمد ئەلجاسم "ئەبو عەمشە" کەفتیەسە ری وەرەو دەورگرد پارێزگای سوەیدا.
لەلای خوەییش، کەناڵ "الإخبارية"ی سوری وت: پاڵپشتیکردن وەرگری لەشوینیەک رەسنە دەورگرد شار سوەیدا لە وەختیگ وەزارەت وەرگری خوازێد بڕەسێدە ئارامکردنیگ تا جەنگ بووسێدەو، وتیش: تەقەلای ئارامکردن وەردەوامە ناوەین وەزارەت وەرگری و دەمچەرمگەیل سوەیدا.
