سه‌رۆك كه‌تالۆنيا: چه‌ن رووژيگ تر جيا بويمنه‌وه له ئسپانيا
2017-10-04T08:24:00+00:00
شه‌فه‌ق نيوز/ ئاژانس روێته‌رز له زووان كارلس بيغديمونت سه‌رۆك هه‌رێم كه‌تالۆنيا ئه‌وه ده‌رخست ك له ماوه‌ى چه‌ن رووژيگ تر ئاشكراى جيابوينه‌وه‌ى هه‌رێمه‌گه‌ى له ئسپانيا ئه‌كا، ئه‌ويش له دوياى ئه‌و راپرسيه ك ئه‌نجامى دا.
بيغديمونت دوياى ئاكامه‌يل راپرسى له وته‌يگ ته‌له‌فزيۆنى له به‌رشلۆنه وت: كه‌تالۆنيه‌يل ماف خوه‌يان وه‌ده‌س هاوردن ئه‌را ئه‌وه‌گ ده‌وڵه‌ت سه‌روه‌خوه‌يى داشتوون دوياى به‌شداريكردن مليۆنه‌ها كه‌س له‌ليان له راپرسى كه حكومه‌ت ناوه‌ندى ئسپانى قه‌يه‌غه‌ى كرد.
جى باسه، حكومه‌ت كه‌تالۆنى ئاشكراى يه‌يش كرد ك نزيكه‌ى 2،26 مليۆن كه‌س ده‌نگ خوه‌يان دانه له‌و راپرسيه‌و 90 له‌سه‌د له به‌رژه‌وه‌ندى جيابوينه‌وه ده‌نگ دانه.
