سعودیە 5 هاوڵاتی وە توومەت "تیرۆر" لە سێدارە دەێد
2026-10-17T12:20:54+00:00
شەفەق نیوز ـ رەیاز
وەزارەت ناوخوەی سعودیە، ئمڕوو شەممە، دووپاتکرد سزای لە سێدارەداین ئەرا پەنج هاوڵاتی جیوەجیکرد لەدویای توومەتبارکردنیان وە "تاوان تیرۆرستی".
وەزارەتەگە لە لەبان پێگەی «إكس» راگەان تاوانەیلیان "بریتی بوی لە پەیوەنیکردن وە رێکخریایگ تێرۆریستی دەرەکی، و تەقەکردن لە هێزەیل ئەمنی و بنکەیل ئەمنی و ماشینەیل ئەمنی وە وەکارهاوردن چەک و بۆمب، و هەڵگردن چەک و گولە، و دابینکردن پشتگیری مادی و جیوەجیکردن پرۆسەیل تێرۆریستی لەناو شانشینەگە".
