سزیان ئەماریگ نەفتی رووسیا لە ئەنجام گورزیگ ئاسمانی ئۆکرانیا
2024-05-31T06:35:59+00:00
شەفەق نیوز/ پارێزگار ناوچەی کراسنۆدار لە باشوور رووسیا راگەیان کە ئاگر لە ئەمار نەفت لە ناوچەگە هیز گرد و شمارەیگ کەسیش زەخمدار بوین دویای ئەوەگ شەفەق ئمڕوو جمعە پەلاماریگ ئاسمانی ئۆکرانیا دامەزراوە نەفتیەیل کردە ئامانج.
ڤینیامین کۆندراتیڤ، پارێزگار کراسنۆدار لە ری ئەپڵیکەیشن تێلیگرامەو وت: لە ناوچەی تەمریوک - ژیرخان ئەمار نەفتی لەوەر گورزیگ ئاسمانی زیان وەپی رەسیە، سێ تانکی بەرهەم نەفت سزیان".
وتیش: "ئیرنگە ئاگرەگە کپەو کەن، وەداخەو لەناو کراکارەیل ئەمارەگە زەخمدار هەس".
ئی پەلامارە دویای ئەوە تیەێد کە وەرپرسەیل ناوخۆیی لە وتنە کە مووشەکەیل رووسیا سێ شوێن خارکیڤ کردنەسە ئامانج کە دویەم گەورەترین شار ئۆکرانیاس و لەوەر ئەو پەلامارە لەلای کەمەو سێ کەس کوشیان و ١٦ کەسیش زەخمدار بوین.
