سزادان سەربازیگ ئیسرائیلی وە دەیان تاوان سێکسی
رووژنامەگە وتیش: دادگاگە تاوانبار ئەفسەر دان شاڕۆنی کرد، کە توومەتبارە وە وینەگردن دویەتە وەرپرسەیلی وە رویتی وەبی ئاگای خوەیان وە دەیان تاوان سێکسی.
وتیش: شاڕۆنی لە ساڵ ٢٠٢١ دەسگیر کریا، لەبان ئەو کردەوەیلە لە گردەوکردن وینەیل دویەتە سەربازەیل و بەشیک لە دویەتەیل شارستانی ئەرا ماوەی هەشت ساڵ لەلای کەمەو، و هەر لەو ساڵە لە سەربازی دەرکریا.
شمارەی تاوانەیل رەسیە ٦٧ تاوان ٢٣ لەلییان پەیوەندی وە شکانن شەرم دیرم، سێیان لەبان هاککردن کەمپیوتەر وەشیوەی نایاسایی.
سوپای ئیسرائیل وت: دادگا گووش لە قسەی گشت ئەو دویەتەیلە گرد کە بوینەسە قوربانی ئی تاوانەیلە، و قسەی توومەتبار پەسەن نەکرد کە گوایە نیازی سێکسی نەویە.
وەگورەی لیست توومەتەیل، شاڕۆنی چەن کامیرایل شاریای وەکار هاوردیە، و وینەی دویەتە سەربازەیل گردیە، و ئەو کامیرایلە لە شوینەیل خەفتن و سناوکردن شاردیەسەو.
هەمیش توومەتبار کریا لەبان ئەوە کە مۆبایل ئەو دویەتەیلە بردیە وەمینەی وینەی رویت، تا ئەگەر وە دەسی بکەفێد چاپیگ خەێدە لای خوەی.
