ئیسرائیل چوودە ناو دەورگرد دەرعا و لە شوینەیلیگ ستراتیژی جیگیر خوەی کەێد

شەفەق نیوز/ ڕوانگەی ماف مرۆڤ سوریا، ئمڕوو چوارشەممە، خەوەردا کە هیزەیل ئیسرائیل وە قویلی ٩ کیلۆمەتر چگەسە ناو دەورگرد دەرعا لە باشوور سوریا.

ئەو روانگە کە بارەگای لە لەندەنە وت: هیزەیل ئیسرائیل چکنە ناو ئاوای کویا و بەنداو وحدەی میژووی نزیک سنوور و ئوردن، دویای ئاگادارکردن دانیشتگەیل تا چەکیان بیەنە دەس.

وتیش: هیزەیل ئیسرائیل چگنە ناو کەتیبەی ٧٤ لە دەورگرد ئاوای سەیدا، ناوەین پارێزگای دەرعا و قونەیتەرە.

 وتیش: ئی جویلەی سەربازیە لە سای ژاوەژاو بەرزیگ لەبان سنوور سوریا وەرد جۆلان داکیرکریاگ تیەێد.