ئیسرائیل کوشتن فەرماندەی مووشەکەیل حزبولڵا راگەینێد

شەفەق نیوز/ سوپای ئیسرائیل، ئمڕوو یەکشەممە، کوشتن محمد یوسف عنیسی راگەیان کە یەکیگە لە فەرماندەیل مووشەک هویرد حزبولڵای لوبنان، ئەوەیش وە گورزەیلیگ لە دەورگرد باشوور بەیروت.

سوپای ئیسرائیل لە بەیاننامەیگ وت: عنیسی وە یەکیگ لە بفامتترن حەسەیل لە حزبەگە دانریەێد، و پلەی دکتۆرای ئەندازیاری میکانیکی دیرێد.

یەیش دویای ئەوە تیەێد کە میدیایل عەرەبی دووپات کردن کە زاحیەی باشوور بەیروت لە ساعەتەیل گوزەشتە کەفتە وەر زیاتر لە ٣٠ گورز لە تونترین گورزەیل ئیسرائیل.

وتنیش؛ فڕۆکەوانی ئیسرائیل دەیان گورز لەچەن ناوچەیگ جیوەجی کرد، وەتایبەت لەبان ری فڕۆکەخانە.