ئیسرائیل راگەیان لە ئەنجام گورزەیل ئیران پاڵاوگەی نەفت و لویلەیل نەفتەی زەرەد دینە

شەفەق نیوز/ سوپای ئیسرائیل، ئمڕوو یەکشەممە، دان  وەئەوەگ دانا   لە ئەنجام پەلامارە مووشەکییەیل دویەشەو ئیران لویلە و کڕ گواستنەوە   لە پاڵاوگەی حەیفا زەرەد وەپیان رەسیە.

 کۆمپانیای پاڵاوگەی نەفت ئیسرائیل دووپاتکرد، زەرەد وە کڕ لویلەیل و کڕ گواستنەوەی حەیفا رەسیە لە ئەنجام گورزە موشەکیەیل ئیران.

میدیا راگەیاندنەیل ئیران راگەیانوین، سوپای ئیران وە پەلاماریگ موشەکی پاڵاوگەی نەفتی ئیسرائیل لە شار حەیفا باکوور ئیسرائیل کردە ئامانج.

کەناڵ IRIB لە زوان سەرچاوەیل خوەیەوە بڵاویکردیە: پاڵاوگەی نەفتی حەیفا کەفتیەسە وەر پەلامار مووشەکی سەرکەفتی ئیران.

 وەپای راپۆرت ئاژانس خەوەری مێهری ئیرانی، مووشەک هایپەرسۆنیک ئەرا گورز وشانن دامەزراوە ستراتژیکەگەی حەیفا وەکارهاتیە و دویای پەلامارەگەیش بڵویزەی ئاگر لە دامەزراوەگە بەرزەوبویە.