ساندویچ شاورمە 600 کەس لە تورکیا ژەهراوی کەێد
2025-04-06T15:46:36+00:00
شەفەق نیوز/ لە وڵات تورکیا چێشتخانەیگ بەسیا دویای ئوەگ زیاتر لە 600 کەس لەوەر خواردن لەفەی شاورمە ژەهراوی بوین.
میدیایەیل ناوخوەی تورکیا، راگەیاننە 648 کەس دویای نانخواردن لە چێشتخانەیگ تویش ژەهراوی بوین هاتنە وەی مدووە ئەرا خەستەخانە کلکریانە، و فرەیگ لە نیشانەیل بریتی بوین لە ژان گەیە و ئەلاوردن و زگچین و تەو برزەوبوین.
وەپای سەرچەوەیل دوو لە بیمارەیل تەندروسیان ناجیگیرە و چەودێری پزیشکی وەرگرن.
لایەنەیل پەیوەنیدار ریوشوین گردنەسوەر و چێشتخانەگە بەسانە، و و دەسڵاتدارەیل دەسکردنە وە لێکۆڵینەوەی خەسیگ ئەرا دیاریکردنسەرچەوەی پیس بوین خوەراکەیل، کە ئایا هووکار پیسبوینی بەکتریا بویە یا مادەیل ژەهراوی بویە و نمونەیلیگ لە خوەراکەیلیان ئەرا تاقیگەیل کلکریاس.
