زەویلەرزەیگ وە هاز 3.5 پلە دەێد دەێد ل ناوچەیگ نزیک سەرپێڵ زەهاو

شەفەق نیوز ـ وەدویاچگن

زەویلەرزەیگ وە هاز 3.5 پلە لەبان پەیمانەی رێختەر، ئمڕوو  یەکشەممە، دا لە ناوچەیگ لە نزیک شار سەرپێڵ زەهاو لە پارێزگای کرمانشان خوەرئاوای ئیران لە قویلی 20کیلومەتر لەژیر زەوی.

ئاژانس خەوەری میهر خەوەدا زەویلەرزەگە ساعەت 14:22 وەپای وەخت ناوخوەی رویدا، لەبان کڕ پیەنی،  34.32 پلەی باکوور و کڕ درویژی 45.79 پلەی خوەرهەڵات توومارکریاس.

وەپای داتایەیل زەویلەرزەگە لە دویری 17 کیلومەتر لە سەرپێڵ زەهاو بویە و 22 کیلومەتر لە گەیلان غەرب و 29 کیلومەتر لە قەسر شیرین.

تا وەخت نویسین خەوەرەگە هویچ راپۆرتیگ لە زەرەد دارایی یا گیانی نەدریاس.