زەویلەرزەیگ وە هاز بەرزیگ دەێد لە پاکستان

شەفەق نیوز/ ناوەن نیشتیمانی توومار زەویلەرزەیل ئیسلام ئاباد، ئمڕوو چوارشەممە، راگەیان زەویلەرزەیگ وە هاز 5.3 پلە لەبان پلەی رێختەر ئمڕوو دا لە چەن ناوچەیگ پاکستان و هەرێم کشمیر.

ناوەنرەگە ئاشکرایکرد، ناوەن زەویلەرزەگە لە قویڵایی 220کم بویە لە زنجیرە کویەی هندوکوش باکور ئەفغانستان.

دانشتگەیل لە ناوچە جیاوازەیل پاکستان هەس وە لەرزە کردنە، و تا ئیسە هویچ خەوەریگ لە زەردەیل مادی یا گیانی بڵاونەکریاس.