زەویلەرزەی ئەندەنوسیا.. ٢٥٢ کوشیان و رمیان مەکتەوەل وەمل مناڵەیل
شەفەق نیوز/ دەسەڵاتەیل ئەندەنوسیا، ئمڕوو سێشەممە، بەرزەوبوین ئامار قوربانیەیل ئەو زەویلەرزە راگەیانن ک دویەکە داگە ناوچەی سیناجور، ک شمارەگە رەسیە ٢٥٢ کوشیاگ.
وەرپرسیگ ئەندەنوسی وت: مناڵەیلیگ لە دویای رمیان مەکتەویان گیانیان لەدەسدان، لەو زەویلەرزە ک لە هەرێم جاوەی خوەرئاوا داگە، و پیاوەیل رزگارکردن وەگەرد وەختەگە دەو کەن تا بڕەسنە ئەو کەسەیلە ک لە ژیر رمیاگەیل گیر هاتنە.
ئەو زەویلەرزە ک تونیەگەی رەسیە ٥،٦ پلە لە ناوچەیگ کوێە لە هەرێم جاوەی خوەرئاوا ک فرەترین شمارەی دانیشتگەیل لە ئەندەنوسیا هاناوی، بویە هووکار زەرەدەیل گەپیگ لەناوچەی سیانجور و لە رمیان زەویەگە یەک ئاوای لەلای کەمەو تمیا.
هنری ئەلفیاندی سەرۆک ئاژانس نیشتمانی ئەرا مینەکردن و رزگارکردن "باسارناس" وت: خورمیان زەویەگە و زەویە سەختەیل ریگری لە تەقەلای رزگارکردن کەن.
ئەلفیاندی لە کۆنگرەیگ رووژنامەوانی وت: سەختیەگە ئەوەس ک ناوچە زەرمەنەگە فراوانە، وەگەرد ئەوەیش ریوبانەیل ئی ئاوایەلە زەرەدمەن بوینە.
