زەویلەرزەیل نوویگ لە ناوچەیلیگ سوریا و فەلەستین
2023-02-08T06:59:17+00:00
شەفەق نیوز/ زەویلەرزەیگ وەتونی ٤.٤ پلە لەبان پەیمانەی ریختەر، دادە ناوچەی نابلس لە فەلەستین، ئەوەیش وەگورەی بڵاوکردن ناوەند ئەوروپی ناوڕاس ئەرا رەوانگەی زەویلەرزە.
سەنتەر ئەو زەویلەرزەیلە ک لە وەخت زوییگ لە شەو بوی لە ناوچەی ناوبەین توباس و تۆلکەروم دیاری کریا، و خەڵک ناوڕاس وڵاتەگە هەر وە لەرزەگە کردن.
وەڕیەوبەر ناوەند زەویلەرزە لە زانکۆی نەجاح فەلەستینی لە نابلس وت:سەنتەر زەویلەرزەگە وەدویری ١٣ کێلومەتر وەرەو باکور شار نابلس بوی، وە هازەگەی رەسیە ٤.٨ پلە وەقویلی ١٠ کێلومەتر.
لەلای خوەییش ئاژاتس خەوەری سوریا "سانا" شەوەکی ئمڕوو وت: زەویلەرزەیگ داگە شارەیل لازقیە و تەرتوس و حەلەب و حمس، و دیاری کرد ک لەرزەگە کەم بە و خەڵک ناوچەیی هەس وەپی کردن.
هویچ زەخمداری یا زەردیگ دارایی لەلی توومار نەکریا.
