زەویلەرزەی سەختیگ دەێد لە نیپاڵ و هندستان لەرزنێد
سەنتەر نیشتمانی زەویلەرزەناسی لە نیپاڵ راگەیانیە، گوڕ زەویلەرزەگە رەسیە ٦.٤ پلە لەسەر پەیمانەی ڕێختەر، وتیش: زەویلەرزەگە شەو جمعە روی دایە.
ئی زەویلەرزە سەختترین زەویلەرزەس لە نیپاڵ لە ساڵ ٢٠١٥ەو کە نزیکەی ٩ هەزار کەس لە ئەنجام دوو زەویلەرزە لە وڵات هیمالایا گیانیان لەدەسدان.
ئەو دوو زەویلەرزە تەواو شارەیل و پەرستگا و شوینە میژووییەیل کاول کرد، و زیاتر لە ملیۆنیگ ماڵیان ویران بوی و زیانەیلی وە ٦ ملیار دۆلار مەزەنە کریا.
وەرپرسەیل رخیان چوود شمارەی قوربانیەیل زەویلەرزەگە جمعە بەرزەو بوود، چوینکە نەتوەنستنە پەیوەندی وە ناوچە کویەیلەی نزیک ناوەند زەویلەرزەگە بکەن، کە کەفێدە دویری ٥٠٠ کیلۆمەتر لە خوەرئاوای کاتماندۆی پایتەخت، کە دانیشتگەیلی هەس وە لەرزین کردنە.
هاریش چاندرە شارما، وەرپرسیگ لە قەزای جاجارکورت وە تەلەفۆن ئەرا ئاژانس ڕۆیتەرز وت: شایەت شمارەی زەخمدارەیل بڕەسێدە سەدان کەس، هاتی گیانلەدەسدانیش بەرزەو بوود.
قسەکەر پولیس قەزای جەجارکۆت وت: 92 کەس لە قەزای ڕوکوم و ٣٦ لە خوەرئاوای کوشیانە کە هەردوگیان لە پارێزگای کەرنەلی بوین.
پوشپا کەمال دەهال، سەرۆکوەزیرەیل شەفەق ئمڕوو شەممە وەگەرد تیمیگ پزیشکی سەربازی 16 کەسی وە فڕۆکەیگ روی وەرەو ناوچەگە کرد.
لە پۆستسگ لە پلاتفۆرم “X” کە “تویتەر” جارانی، دەهال دڵتەنگی قویل خوەی نشان دا لەبان فەوتیان گیان و ماڵەیل لە ئەنجام زەویلەرزەگە، و فەرمان دادە خزمەتگوزارییە ئەمنییەیل جیوەجی دەس وە ئۆپەراسیۆن ڕزگارکردن و فریاگوزاری بکەن.
