زەویلەرزەی تونیگ دەێد لە خوەرئاوای فەرەنسا
![زەویلەرزەی تونیگ دەێد لە خوەرئاوای فەرەنسا](https://media.shafaq.com/media/arcella/1686985112913.jpg)
2023-06-17T06:58:57+00:00
شەفەق نیوز/ دانیشتگەیل ناوچەیل رین و بوردو و لیموج، خوەرئاوای فەرەنسا، دویەشەو جمعە، هەس وە زەویلەرزەیگ کردن، ک قایمترین زەویلەرزەس لە سەرەتای ئی هەزارەی نووە تا ئیسە، ک بویە هوکار زەرەدەیلیگ لە ناوچەگە.
تونی زەویلەرزەگە رەسیە ٥.٣ پلەر وەگورەی تووڕ نیشتمانی ئەرا توومارکردن زەویلەرزە (ریناس) و ٥.٨ پلە وەگورەی نویسینگەی رەوانگەکردن زەویلەرزە (بی. سی. ئێس. ئێف) ک ئاگاداری بڵاو کرد و وت (زەویلەرزەی فرە تونیگ).
دویاترین زەویلەرزەی تونیگ وڵاتەگە تووماری کردیە، چوودەو ئەرا سەرتای ئی هەزارەی نووە، وەگورەی خشتەیگ وەلایەن ئاژانس فرانس پرس ئامادەی کریا.