زیندانیەیل خوەیان سزانن.. کوشیان و زەخمداری وە تێکچگن ئەمنی لە زیندان کۆبانێ
شەفەق نیوز ـ دیمەشق
سەرچەوەیگ ئەمنی لە زیندنن شار کۆبانێ لە باکوور حەلەب، ئمڕوو شەممە، راگەیان وە مدوو ئالۆزی ئەمنی لەناو زیندانەگە، هەشت کەس کوشیان و زیاتر لە 15 کەس زەخمداربوین لەناو حالەتەیل بڕیگیان سەختن.
سەرچەوەگە ئەرا ئاژانس شەفەق نیوز ئاشکرایکرد، وردەوەردەیل شەفەق ئمڕوو رویدا لەدویای نارەزایەتیەیل و ئەوزەڵکردن ئەمنیەیل کە شارەگە لە ماوەی چەن ساعەت گوزەشتە وەخوەی دیە.
وتیش؛ "هێزیگ لە ئاسایش حەلەب رەسیەس ئەرا زیندان کۆبانێ زیندانەیل ئەرا حەلەب کلکردیە یەیش هیشتیە زیندانیەیل کارەگە رەدبکەن کە یەیش هیشتیە وەرەوروی شکەنجەدان بوون، وەرجە ئەوەگ بڕیگ لە زیندانەیل ئاگر لە خوەیان وەردەن نارەزایەتی لە بڕیارەگە نیشان بیەن و ئاگرەگە گشت کۆمەڵگەگە بگردەو".
وتیش "ئاگر و دویکەڵ بویە مدو مردن زیندانیەیل و زەخمداری بڕیگ تریان پەنا وەر ئاودەسەیل بردنە وەرجە ئەوەگ پاسەوانەیل دەر زیندانەگە وازبکەن و زەخمدارەیل بوەن ئەرا چارەسەرکردن".
دویەشەو کۆبانی وەردەوردەی ئەمنی وەخوەی دی وە مدوو دەرچگ خوەنیشاندەیەیل تویرە کە داوای لێکۆڵینەوە لە تاوان کوشتن گەنج کورد سامی حسۆ(سیبان) لە حەسەکە کردن و سەنگ ئەرا ماشینەیل ئاسایش ناوخوەی وشانن ئاگر وەردریا ئەرا دویرەوخسن خوەنیشاندەرەیل، وەرجە ئەوەگ هێزەیل ئەمنی لەناوچەیل سرین و منبج ئەرا کۆبانێ بڕەسێد، کە لە ئەنجام دەسوەسەرکردن لەناو شارەگە رویدا.
