زیلینسکی خەڵات دەوڵەت دەێدە سەگیگ
![زیلینسکی خەڵات دەوڵەت دەێدە سەگیگ](https://media.shafaq.com/media/arcella/1652086722138.jpg)
شەفەق نیوز/ فولوديمير زیلینسکی سەرۆک ئۆکرانیا، ڕێز لە وەناوبانگترین سەگ لە وڵاتەگە گرد، وەناو "پاترۆن" ئەرا کارەیلی لەنوای جەنگ رووسیا.
"پاترۆن" ئەو سەگە لە بنچینەی "جاک راسڵ" بویە سومبلیگ نیشتمانی، ئەرا کارەیلی وەگەرد تیم لەناوبردن مین و تەقەمەنی لە شار چیرنیهێڤ لەوەخت جەنگ رووسیا، ک دەسمیەتی لە ئاشکراکردن دەیان مین و تەقەمەنی دا، وەگەرد ئەو تیمە.
زیلینسکی خەڵات دەوڵەت ئەرا "خزمەت دڵسوزانە" دا سەگەگە و خاوەنەگەی، ئەوەیش لە پەرواز دیدارەگەی وەگەرد جاستن ترۆدۆ سەرۆک وەزیرەیل کەنەدا ک دویەکە یەکشەممە، سەردان ئۆکرانیا کرد.