زەۊلەرزەیگ وە تونی 6.7 پلە دەێد لە ناوڕاس پیرۆ
شەفەق نیوز - لیما
زەۊلەرزەیگ کە هازەگەی رەسیە 6.7 پلە ناوڕاس پیرۆ دا، شەوەکی زۊی شەممە، و دانیشتگەیل پایتەخت لیما و ناوچەیل ترەک هەست وەپێ کردن، کە هیشت شمارەیگ لە دانیشتگەیل ماڵەیلیان وەجی بیان و گردەوبۊن لە جادەیل، لەناو رخ و نیگەرانی.
کامیرایەیل چەودیاری ساتەیل رۊداین زەۊلەرزەگە تۆمار کردن، وەختیگ بینا و کەلوپەلەیل وە شیوەیگ دەرکەفتن کە لەرزن، لە وەختیگ توومارکریاگەیل ترەک دەرچگن دانیشتگەیل لە ماڵەیلیان و چووڵکردن شمارەیگ لە بینایەیل بەڵگەدار کردن، هەمیش دیمەنە تەلەفزیۆنییەیل دەرچگن پەرلەمانتارەیل لە بینای پەرلەمان لە پایتەخت لیما نیشان دان.
وەپەی پەیمانگای جیۆفیزیایی لە پیرۆ، زەۊلەرزەگە لە سەعات 7:09 ئیوارەی جمعە (شەوەکی زۊ شەممە وە وەخت عراق) رۊ دا، و ناوەندەگەی لە دۊری 30 کیلۆمەتر لە باکوور خوەرئاوای شار جونین بۊ، و لە قۊلایی 129 کیلۆمەتر لەژیر رۊ زەۊ.
دانیشتگەیل لیمای پایتەخت هەست وە لەرزەگە کردن، و هەمیش دانیشتگەیل ناوچەیل جونین و هوانوکۆ و کایاو، لە وەختیگ ناوەند ئۆپەراسیۆنەیل فریاکەفتن نیشتمانی لە پیرۆ خەوەر دا کە تونی لەرزەیل لە ناوەین تون و مامناوەند بۊە، وە دەسنشانکردن وەردەوامبۊن پرۆسەیل چەودیاریکردن لەو ناوچەیلە کە لەژیر رخباریین.
لە وەختیگ پەیمانگای جیۆفیزیایی پیرۆیی تونی زەۊلەرزەگە وە 6.7 پلە مەزەنە کرد، ناوەند ئەڵمانی ئەرا زانستەیل زەۊ راگەیان کە هازەگەی رەسیەسە 6.8 پلە.