پزیشکیان: هیچ چەکیگ ناوەکی دروس نیەکەیمن و ري وە وەشکنەرەیل دەیمن بانە ناو ئیران

شەفەق نیوز- نیویۆرک

مەسعود پزیشکیان، سەرۆک ئیران، رووژ شەممە وت کە "کەش بی بڕوایی" لە ناوەین ئیران و ئەمریکا باڵ کیشایە، و لە خود وەخت دووپات کرد کە وڵاتەگەی نیەخوازێد خاوەن هیچ چەکیگ ناوەکی بوود و رس وە وەشکنەرەیل دەێد بانە ناو وڵاتەگە.

یەیش لە دیداریگ هات کە پزیشکیان وەرد کەناڵ "cbsnews" ئەمریکی ئەنجامی دا، لە بەرنامەی "رۊوەڕۊ نەتەوە بوو" کە کەناڵەگە پیشکەشی کەێد.

 پزیشکیان وتیش: "تەقەلا نیەیمن هیچ چەکیگ ناوەکی دروس بکەیمن و ری وە وەشکنەرەیل ئاژانس ناودەوڵەتی ئەرا وزەی ئەتۆمی دەیمن بانە ناو وڵاتەگە، و سەختە دیداریگ راسەوخۆ وەرد ترەمپ ئەنجام بیریەێد لەژیر سای کەش بی بڕوایی لە ناوەین ئیران و وڵاتە یەکگرتگەیل".

 سەرۆک ئیرانی دیاری کرد، کە گەشەپیدان چەکەیل ناوەکی حەرامە، وە دووپاتکردن ئەوەگ تەنانەت ئەگەر بڕیگ لە ئیران خوازین دروسکردن چەکیگ ناوەکی بکەن، ئەوە ئەوان "لە روی ئاینییەو، ری وەپیان نیەدریەێد ئی رێڕەوە بگرنە وەر"، وەپەی قسەی خوەی.