زەخمداری سەربازەیلیگ ئیسرائیلی لە یەکەمین رویوەڕویبوین وەرد حزبولڵا
شەفەق نیوز/ میدیایل راگەیانن ئیسرائیل، ئمڕوو چوارشەممە، خەوەردان لە زەخمداری سەربازەیلیگ ئیسرائیلی لە یەکەمین رویوەڕویبوین وەرد حزبولڵا و سوپا کە خوازیە دزە وەرەو ناوچەیگ لوبنان بکەێد.
وتیش: شەوەکی ئمڕوو، ئەو سەربازەیلە ئەرا خەسەخانەی رمبام لە حەیفا و زیف لە سەفەد لە جەلیل بان بریان.
حزبولڵا راگەیان کە جەنگاوەریلی نواگیری هیزیگ ئیسرائیلی گردن کە تەقەلای دزەکردن وەرەو ناوچەی عدێسە بکەن لە قەزای مەرجعیون لە پارێزگای نەبەتیە باشوور لوبنان، و زەرەد خستنە ناویان و ناچاریان کردن وەرەو دویا بچنەو.
وتیش: جەنگاوەرەیلی پەلامار هیزیگ پیادەی گەورە لە کەمپ مسکفعام و مووشەک و تووپخانە دان، و هەمیش پەلامار گردەوبوین هیزەیل دوژمن دان لە کەمپ شتۆلا وە دوو مووشەک بورکان.
وەرانوەر ئەوە، بەرەی ناوخوەیی ئیسرائیل وت: فیکەی هوشداری وەردەوامە لە کریات شمونە و ناوچەیلیگ لە جەلیل بان باکوور ئیسرائیل، ئەوەیش دویای روانگەکردن نزیکەی ٤٠ مووشەک وەرەو جەلیل بان شەفەق ئمڕوو.
سوپای ئیسرائیل راگەیان کە ١٠ ماڵ لە لە موتلە باکوور ئیسرائیل کەفتنە وەر مووشەکەیلیگ لە لوبنانەو وەشیانە.
هەمیش شار نەبەتیە، شەوەکی ئمڕوو، کەفتە وەر دوو پەلامار وەلایەن فڕۆکەیل جەنگی ئیسرائیل، وەبان ماڵیگ لە گەڕەک ساڵحیە و ماڵیگ لە گەڕەک راهیبات.
لە شەفەق ئمڕووەو، گورزەیل ئیسرائیل وەبان ئاوای و شارەیلیگ لە قەزای سوور و بنت جبێل وەردەوام بوین، کە فرۆکەیل ئیسرائیل پەلامار عیتا شەعب وەبان ماڵیگ دان و زەرەد گەورە وەپی رەسان، هەمیش پەلامار چواڕیان ناوچەی مەعرەکە و مەساکن شەعبیە دان.
سوپای ئیسرائیل تووپخانەیل سەنگین وەبان دەورگرد عیتا شەعب و رامیە و بومب رووشنایی وەبان ئاوایەیل دوو کەرت خوەرئاوا وەناوڕاس وەشانن، و هەمیش وەبان دەورگرد شار بنت جبێل.
