زەخمداربۊن دوو راوچی و گومبۊن دوانیگ ترەک دۊای ئامانجگردن دوو بەلەم راوکردن لە باشوور قشم ئیرانی
شەفەق نیوز - تاران
ئاژانس "فارس" ئیرانی، رووژ شەممە، خەوەر دا کە دوو بەلەم راوکردن کەفتنەسە وەر پەلاماریگ وە فڕۆکەیگ بیفڕۆکەوان لە باشوور دوورگەی قشم ئیرانی، کە بۊە هووکار زەخمداربۊن دوو راوچی و گومبۊن دوان ترەک.
ئاژانسەگە وت کە رۊداوەگە هاووەخت بۊە وەرد ژنەفتن دەنگ تەقینەوەیل و دەرکەفتن بەڵاچەی رووشنایی لە ئاسمان، هاووەخت وەرد جۊلەیل سیستەمەیل وەرگری ئاسمانی لە دەورگرد گەروو هورمز.
هێزەیل دەریایی لە سوپای پاسدارەیل ئیرانی، دۊکە جمعە، دووپات کردن کە دوو کەشتی نەفتهەڵگر تۊش رۊداویگ هاتنە و لە ئاوەیل باشوور گەروو هورمز وسانە.
پیرەکە پەنجشەممە، سوپای پاسدارەیل ئیرانی راگەیانۊد کە ئاگر لە لەلای کەمەو چوار کەشتی کەفتگە کە وە مینەیل دانە لە وەخت تەقەلای رەدبۊن لە گەروو هورمز، دۊای رووژیگ لە دووپاتکردن سوپای ئەمریکی لەبان ئەوەگ مینەیل لە رییەیل سەرەکی لەناو رێرەو ئاوییەگە لاوردگە.
