زەخمداربوین و بیسەروشوینبوین 12 دەریاوان لە پەلاماریگ کە کەشتییگ ئیماراتی لە هورمز کردە ئامانج

زەخمداربوین و بیسەروشوینبوین 12 دەریاوان لە پەلاماریگ کە کەشتییگ ئیماراتی لە هورمز کردە ئامانج
2026-11-18T09:58:17+00:00

شەفەق نیوز- ئەبوزەبی

کۆمپانیای "ئەدنۆک" ئەرا دابینکردن و خزمەتگوزارییەیل ئیماراتی، ئمڕوو چوارشەممە، زەخمداربوین 11 کەس لە ئەندامەیل تیم یەکیگ لە کەشتییەیلی و بیسەروشوینبوین کەسیگ تر راگەیان، لە ئەنجام کەفتنە وەر پەلامار لە وەخت رەدبوینی وەناو گەرووی هورمز لە ئیوارەی دۊیەکە سێشەممە.

کۆمپانیاگە، لە بەیاننامەیگ فەرمی کە ئاژانس شەفەق نیوز وەپی ئاگادار بویە وت، ئەندامەیل تر تیمەگە وە سەلامەتی دەرکریان، لە وەختیگ ئەو زەخمدارەیلە   هەوەجە وە چارەسەر دیرێد چەودێری پزیشکی  وەرگرن.

وتیش، پرۆسەیل مینەکردن و رزگارکردن ئەرا کەسە بێسەروشوینەگە وە هەماهەنگی وەگەرد لایەنە پەیوەنیدارەیل هیمان وەردەوامن، و دووپات کرد  لە پشتگیریکردن ئی پرۆسەیلە و پێشکەشکردن دەسمیەتی هەوەجەکریاگ ئەرا ئەندامەیل تیمەگە و زەرەدمەنەیل پەلامارەگە.

"ئەدنۆک" دووپاتکرد لە گرنگی پاراستن دەریاوانەیل و مسۆگەرکردن ئازادی دەریاوانی و ئاسایش دەریایی، لە سای ئەو رخداریەیلە کە رووەوڕووی کەشتییەیل بوینە لە وەخت رەدبوینیان وەناو رێڕەوە دەریاییەیل.

سوپای پاسداران ئیرانی، ئیوارەی دۊیەکە سێشەممە، تەقیان چوارەم کەشتی نەفتهەڵگر لە گەرووی هورمز لە ئەنجام وەرکەفتن وە مین دەریایی راگەیان.

لە وەختیگ پێرەکە، سوپای پاسداران باس لە لەیەکەوداین سێ کەشتی نەفتهەڵگر وە مین دەریایی و هیزگردن ئاگر لەناویان لە ناوچەیل جیاجیای (خوەرهەڵات و خوەرئاوا و باشوور) گەروو هورمز کرد.

Shafaq Live
Shafaq Live