زیاتر لە ١٠ کەس.. ئامار نوویگ لە قوربانیەیل ژەهراوی وە مەی لە ئیران
2023-06-19T08:45:36+00:00
شەفەق نیوز/ سەرۆک زانکۆی ئەلبەرز ئەرا زانستەیل پزشکەیی وت: شمارەی ئەو کەسیلە ک وە مەی ساختە ژەهراوی بوینە لەماوەی چوار رووژ گوزەشتە رەسیە ١٤٧ کەس.
وەگورەی ئاژانس خەوەری ئیرنا؛ ٦ کەستر لە ئەنجام نووشین مەی ساختە ژەهراوی بوینە، تا گشت شمارەگە بڕەسێدە ١٤٧ کەس.
وتیش؛ وەگەرد مردن ئی دووانە دویەکە، شمارەی مردنەیل وە مەی ساختە رەسیە ١٢ کەس.
رووژ پەنجشەممەی گوزەشتە، ١٤ ئیرانی گیانیان لەدەس دان و ٨٨ کەسیش تویش ژەهراوی بوین لە ئەنجام نووشین مەی ساختە.
ئاژانس ئیرنا دیاری کرد ک رویداو ژەهراویەگە لە ناوچەیل ئیسلام ئاباد و حەسارک لە قەزای کەرەج خوەرئاوای تەهران بویە.
