زياتر لە ١٠ کوشیان وە تەقەکردنیگ لە ناو مۆڵیگ لە ولایەت کۆلوڕادو
پۆلیس وت؛ ووردەکاریەیل فرەیگ لەلایان نییە وەهاندەرەیل ئەو رووداوە نێزانن ک لە ساعەت سێی نیمەڕو دووشەممە، لە مۆڵ کینگ سوپەرز بوی.
کۆماندۆز کیری یاماجوچی لە پۆلیس شارەگە ئەرا رووژنامەنووسەیل وت: ئیسە دەسکردنە چەودیریکردن شوون رووداوەگە و هیمان وە ووردی هەژمار کوشیاگەیڵ نەزانریایە.
وتیش؛ ژمارەیگ لە کەسەیل کوشیان، و وەداخەو ک یەکیگیان لە تیم پۆلبسە لە بۆڵدەر.
وتیش؛ مەزەنە کریەێد ک ئەو کەسە ک بەندین کریاگە خوەی تەنیا زەخمداریگە ک هبمان نەمردگە.
بەڵکم پارچە ڤیدیۆییگ لە شوون رووداوەگە تۆمار کریاگە، کەناڵەیلیگ تەلەفزیۆنی پەخشی کردن، دەرخست ک پیاو ریشداریگ وە سینەی رویت وەردەو دەیشت مۆڵەگە دەرکریەێد و دەسەیلی بەسیانە، وەرجەیە بخریەێدە ناو ماشین فریاکەوتن، ڤیدۆەگە هەمیش پای پیاوەگە دەرخەێد هاوە خوینەو ولە ریکردنەگەی شەلێد.
یاماجوچی وتیش؛ پۆلیس ئاگادارییگ لە رووداویگ تر لە بینایگ نبشتەجیی وە دویری پەنج کێلومەتر وەرگرد، وەلی دەرکەفت ک پەیوەندی وە ڕووداوەگەی مۆڵەگە نەیرێد.
