زريانيگ كاولكه‌ر روێ له خوه‌رهه‌ڵات زه‌وێ ئه‌كا
شه‌فه‌ق نيوز/ ده‌مه‌و شه‌وه‌كى ئمڕوو، زريان كاولكه‌ر"هارولد" روێ له فيجى كرد دوياى ويرانكردن فريه‌يگ له دويرگه‌ى سلێمان و ئه‌رخه‌بيل فانواتو له ئوقيانوس ئارام.
له‌ى باوه‌ته‌و، ده‌سه‌ى كه‌شناسى نيشتمانى وشدارى دا له‌وه‌گ ئه‌و زريان ئسوائيه ريڕه‌ويگ نزيكتر ئه‌گرێده‌وه‌ر ك فريه نزيكتر وه‌ره‌و دويرگه ك زوير پيشبينى كرياو مه‌ترسى فريه‌يگ له‌لى ئه‌كه‌فێده‌و و داوايش له مه‌ردم ئه‌و ناوچه‌يله كرد ك ماڵه‌يليان ئه‌مان نيه روێ له كه‌نيسه‌و خوه‌ندنگايه‌يل و باڵه‌خانه‌يل مه‌حكه‌م بكه‌ن.
جى باسه، ئه‌و زريانه له‌وه‌خت گوزه‌ركردنى وه دويرگه‌ى سلێمان له سه‌ره‌تاى ئى مانگه، بويه هووكار گيان له‌ده‌سداين 27 كه‌س و زه‌ره‌ده‌يل فريه‌يگيش له‌لى كه‌فته‌وه‌و ره‌سيه ئوقيانوس ئارام و پيشبينى ئه‌كريه‌ێد روێ له ئسبيريتو سانتو گه‌وراترين دويرگه‌يل ئه‌رخه‌بيل بكا.
