زانیاری وەبان زانایگ ئەتۆمی دایە.. ئیران "سیخوڕیگ" موساد لە سێدارە دەێد
شەفەق نیوز ـ تەهران
دەسڵاتدارەیل ئیران، ئمڕوو چوارشەممە، راگەیانن هاوڵاتیگ لە سێدارە دریا کە زانیاری وەبان زانیگ ئەتۆی وە موساد ئیسرائیلی دایە لەموقەی جەنگە کۆتایەگە.
پێگەی "میزان ئەونلاین"، راگەیان ئیران شەوەکی ئمڕوو، سزایلە سێدارەگە جیوەجیکرد وەرانوەر وە روزبە وادی، کە زانیاری پەیوەنیدار وە زانایگ ئەتۆمی کوشیاگ وە موساد رەسانییە، روزبە وادی وەرد وەرپرسەیل موساد لە پایتەخت نەمسا دیدارکردیە.
وتیش، وادی "دەسگیرکریا وە توومەت سیخوڕی و هاوکاری هەواڵگێری لە بەرژەوەنی زایۆنیستییەیل سزادریا، لەدویای تووکردن رێکارەیل تاوانکاری و دووپاتکردن لە سزاگەی و دەچگنی لە دادگای باڵای وڵاتەگە".
وەپای بەڵگەنامەیل کەیسەگە و دانوەپینانەیل وادی، "ئەو کەسە لەورین باس لەلیکریا، وە تەواوی هاوکاریی وەرد دازگای سیحوڕی موساد کردیە، وە ئەنقەست دەسمیەتی ئیسرائیل دایە".
دیاریکرد "زیندانیەیگە لە گوزەشتە لە یەکیگ لە گرنگترین رێکخریاگەیل چالاکوان بویە، و مدوو دەسرەسین وە زانیاری بویەسە ئامانج سەرنجراکیشیگ ئەرا دەزگای سیخوڕی سەر وە رێکخریاگ زیۆنستی"
