گرۆسی داوا لە ئیران کەێد ئەرا دەسوەپیکردن هاوکاری وەگەرد ئاژانس ئەتۆمی
شەفەق نیوز- وەدۊاکەفتن
وەڕێوەبەر گشتی ئاژانس ناودەوڵەتی ئەرا وزەی ئەتۆمی، رافائێل گرۆسی، ئمڕوو دووشەممە، داوا لە ئیران کرد ئەرا دەسوەپیکردن هاوکاری وەگەرد ئاژانسەگە، وە دووپاتکردن ئەوە کە چارەسەرکردن پرسەیل پەیوەندیدار وە بەرنامە ئەتۆمییەگەی و وەدیهاوردن دڵنیایی و ئارامی تەنیا لەڕی کار هاوبەشەو جیوەجی بوود.
گرۆسی وت: "دووارە دەسمان دریژ کەیمن ئەرا ئیران ئەرا کارکردن وەگەردمان ئەرا دیاریکردن پرسەیل پەیوەندیدار وە بەرنامە ئەتۆمییەگەی"، وە دووپاتکردن ئەوە کە ئاژانسەگە "نیگەرانییە ئەمنییەیلی" لە وەرچەو گرێد وەخت دەسوەپیکردن کاری لە ئیران.
هەمیش وت: "سەختی رەوشەیل وە مدوو وەردەوامبۊن ململانێ لە ناوچەی خوەرهەڵات ناوڕاس فامیمن"، وە دووپاتکردن تون لەبان ئەوە کە "دڵنیایی و ئارامی وەدی نییەتیەن مەگەر ئەوەگ دووارە وەیەکەو کار بکەیمن".
وەڕێوەبەر گشتی ئاژانس ناودەوڵەتی ئەرا وزەی ئەتۆمی هوشداری دا لەوەگ "جەهان ئارامتر نییەوود وەگەرد وەردەوامبۊن بویین 30 دەوڵەت ئەتۆمی".
